元旦夜去左篤波,開左兩張波檯打,但係依然唔夠位打,於是阿俊就叫我落去陪佢食野,天南地北咩都講一餐.例如近來圍繞住wewewetwet既是非,阿怡啦,阿樑同Chloe啦,仲有佢表弟鍾意左阿邊個既野等等啦(下刪500字).
原來阿俊都係住彩虹邨既,呢個係我由小孩時代住到十八歲既地方,我地當時生活得好簡單,因為果度得一個籃球場,打波踢波放車都係佢既啦.阿俊亦提到佢既中學同學,D名竟然好熟口面,有肥志,勞雄飛,劉威等等,仲有鮑貝同佢細佬,嘩....仲有好多遺忘左好多年既名字.我地亦都講到當時江湖上既野啦,仲有饒平牛記,愛群,穩記,嘉南士多等等.
而家D球星都各散東西啦,有d做野,又忙於拍拖,無咩人係籃球場出現囉,各位20至26歲,係彩虹邨長大既你,你又記唔記得我係邊個呢?當然我唔會叫Diego,或者真英文名Jason,中文名更加無人知啦,等我放番張學生相出呢睇下你有無印象啦.