諗諗下christmas下個星期就係嚕.
好似突然之間好快到咁.

一向對christmas都沒有太大期望的我.
今年特別平靜.
本來一心諗住今年唔會點出街. 番下工. 做下份1月交o既project就算.
不過今年好似有o的唔同. 好似多o左野玩.

22號公司x'mas dinner.
23號同family x'mas dinner + 睇燈飾.
24號同同學(s)bbq + 玩樂.
25號同好耐冇見o既朋友(s)x'mas dinner + 會一會(未firm)

突然好似好多節目. 嚇一嚇.

回想起christmas有乜野特別野呢?
我諗徐o左2000年同2001年都同情人過之外. 都只係好平淡.

記得過去都要我周圍問人去邊.
之後自己做攪手攪o的活動o來玩.

突然發覺.
好小係人地叫我去邊度邊度.
都有o的寂寞. 原來我唔出聲大家就會ignore我. 或者因為我中學o個時o的朋友們都係好孩子. 要留o係屋企.


今年.
我已經唔介意christmas冇野做stay o係屋企平平安安咁過去.
或者一個人過都冇問題.
甚至plan去異國倒數.
冇同人講不如我地去邊去邊啦好唔好.

反而今年有人真心誠意搵我去玩.
都有o的surprise.
開始覺得. o丫,原來我開始多番o的朋友.同埋呢o的朋友會關心我.

31號又有乜野做呢?!
2002年同2001年都同o個個人過.
我諗我今年或者下年o既31號都唔會再見到佢.

不過christmas假期有限.
2/1番學又要交project的final work.
都係唔好出咁多街. 做埋o的野先.

新年先再出街啦. hehe...

20歲啦. 過o左人生o既1/3 or 1/4.
係時候要做o的野啦.

- - -

新年冇project交. 冇負擔.
可以嘻嘻哈哈周圍唱遊玩樂.

有好多野想做...

突然自己問自己...

不如我地去環球嘉年華啦...
不如我地去睇新年煙花啦...
不如我地去台灣o既淡水睇日落同玩小火花啦...
不如我地去睇好戲啦...
不如我地去cafe飲杯熱咖啡enjoy our time啦...
不如我地去買一張好唱片啦...
不如我地去澳門映一輯黑白相啦...


不如我地...