我的一段情。 作者: Kel

我好耐無拍過拖﹐都以好幾年. 但O係無耐之前﹐ 我中意左個女仔。我認識佢都一段時間, 我地O係澳洲讀書﹐可能因為無家人一齊啦 (佢話佢同一個佢O既女仔frd一齊住)﹐我地晚晚都傾計﹐慢慢大家都成為左大家生活O既一部份。

日子慢慢O甘過, 後來我問佢有無男朋友, 我記得佢猶疑左一陣然後答"無!"

一排之後﹐考完左試﹐我翻左香港先。我自己掙扎﹐因為我發覺我中意左呢個女仔... 終於我決定左同佢講...就O係佢翻澳門之前果晚﹐我同左佢講﹐佢話佢自己對我都有D感覺...

第二晚﹐即上個星期2﹐我一放工飯都未有時間eat就直接去接機場接佢機﹐然後送埋佢去港澳碼頭搭凌晨12:30果班船。需然我果份只係暑期工﹐但其實我第二日7點就要起身反工。果晚﹐我叫佢反到澳門打個電話比我﹐所以我等埋佢個電話先sleep。結果﹐我成3點先等到佢個電話﹐因為佢唔記得左…

跟住果晚﹐佢同我講覺得我地無可能。

我無就O甘算﹐我星期6入左澳門搵佢…同佢講清楚﹐但佢都係拒絕左我…果晚我同佢傾左成晚﹐佢話其實係我接佢機果晚以有第二個男仔問左佢﹐佢覺得人地問先﹐係都應該比個機會人地先(First come, First serve) 。但我覺得﹐愛情無分先後﹐但我都尊重佢。最後佢都話會從新認真考慮…

星期日﹐佢send左個e-mail比我﹐話都係選擇果個男仔…我好唔開心﹐因為我覺得我無做錯﹐而我更加唔係第三者…

星期1晚(昨晚)﹐我終於忍唔住問清楚佢﹐同佢講左幾個鐘後佢終於講出真相…原來佢一路都在欺騙我…佢話其實果個男仔係佢個男朋友﹐不過之前冷靜期…佢問我記唔記得我問佢有無男朋友時佢猶疑左陣先答我﹐佢話其實果時佢同佢男朋友哎左交…

佢同我講sorry, 但我一D都無angry。佢叫我鬧佢﹐但我話 “你知前騙我﹐但依家同反我講O甘咪得O羅, 人總會有錯﹐唔通我因為你知錯﹐認錯而鬧你咩?” 跟住佢好內垢, 同我講叫我鬧佢﹐不斷話 “我欺騙了你呀!” 但我真係鬧唔出。

後來佢又同我講其實佢重有好多野一路都在欺騙我﹐佢話其實佢O係澳洲係同僅果個男仔同居。我一路都以為佢係同僅個女仔住﹐因為次次同佢傾點話﹐個男仔都反左工﹐但點知原來係我自己天真﹐係我自己傻﹐自己蠢…

佢同我講完﹐我靜左﹐跟住我只係笑左一笑…我喊唔出啦…原來雙喜講得無錯﹐原來人傷心到極點係真係會流唔出一滴眼淚…佢問我點解重唔放棄﹐我唔識答﹐我只知我真係好中意佢…

佢話我蠢﹐話我好傻﹐佢問我點解重唔鬧佢﹐唔放棄佢﹔佢又話佢地係同居呀﹐即係 “咩” 架…但我唔介意。佢話我係佢一路想要O既男仔﹐但一路都無出現﹐依家出現左﹐但已經無得反轉頭…佢話由佢講第一個大話開始已經註定我地係無可能﹐因為已經錯左。我話﹐既然知到錯左就要改。但佢話佢唔可以﹐因為佢害怕轉變﹐佢唔想改變習慣﹐佢更唔想辜負果個男仔﹐佢話個男仔對佢好好﹐為佢改變﹐但佢咩都無比個男仔﹐佢覺得好guilty…佢有話個男仔一路都欺騙佢﹐但我無欺騙過佢任何野﹐但佢無得選擇﹐因為如果佢地分手﹐個男仔就會無地方住。

佢話唔想傷害個男仔﹐佢話佢放唔底… 佢話覺得我堅強過果個男仔﹐所以選擇放棄我。我問佢係咪要我O係佢面前喊﹐叫﹐先代表我傷心﹔其實我自己在一角哭的時候佢跟本唔知道…我唔show出來係因為我唔想佢同情我而選擇我…佢答唔出… 佢~~搞錯左同情﹐同愛情。 佢用同情選擇左果個男仔。

同佢收線前﹐我唔死心﹐問多佢一次願唔願意為我去放棄果個男仔…佢話佢唔可以﹐亦唔應該﹐因為佢覺得對唔住果個男仔…佢同我道歉。佢叫我唔好等佢。但佢O既溫柔﹐佢O既良善﹐我點會忘記。。。


我同你地講呢D野唔係想你知道我係幾偉大﹐唔係想你知道我係幾唔開心﹐而係想你知道有好多野人地唔出聲唔代表佢無事﹐而且﹐呢個世界一定有人比你慘﹐比你傷﹐比你痛。 我就係其中一個。