六月一點五日(1.5/6/2003)
係喎,你冇睇錯;你可能會問,呢個係乜嘢日子o黎嫁??係咪玩嘢呀??呢條友係咪傻嫁??
可能響你眼中呢個係一個好無聊o既日期,但係響我心目中呢個係一個非常非常重要o既日子...
每一日我都會過住同樣乏味o既生活:返工,放工,同同事食嘢,返屋企online,覆留言,訓覺...好刻板呀呵,除咗渣電單車同埋放假會同D朋友出去玩吓之外,我諗我每日會做o既嘢就係得返呢幾樣.
某日o既早上我同平時一樣咁online,見到一個好簡單o既message..."hi!!~~"就係咁開始咗我同佢o既故事...
起初識佢都係諗住多個人傾吓計,消磨吓時間,但係傾落又覺得佢好nice,好純,而佢又好主動咁將佢自己D嘢講我知,咁我都覺得呢個女仔可以做到朋友,亦將我o既嘢講比佢知,慢慢咁我地開始熟絡,後來重交換咗電話tim...
我地第一次傾電話就已經好開心,好似識咗好耐咁,不過初初我地都唔係成日傾電話嫁,但係後來唔知點解傾得越來越密@_@記得有一次同佢傾電話,我問佢幾時生日,鐘意D咩禮物;意想不到o既係,佢叫我估吓喎!!(咁我心諗,玩嘢咩小姐,點估呀!!:p)不過最後佢都有話比我知佢幾時生日^_^
過咗幾日,唔記得係佢問返我佢幾時生日,定係我再問佢幾時生日,但係我又唔係好肯定喎,咁我咪問佢係咪果日囉,點知佢話唔係喎,而佢o既語氣重好似有少少嬲嬲地咁tim喎!!(我心諗,死啦,又會咁重要都唔記得o既,你朋友講得比你知佢幾時生日就梗係想你響果日做嘢嫁啦;之但係我自己本身記性都唔差家嘛,冇理由會唔記得嫁@_@)
過咗幾日,我同佢傾計,講開我同佢識咗幾耐,咁我同佢講係六月頭啦,呢個係我地o既生日,但係佢話唔係,係六月一點五號喎!!(1.5/6/2003??啤~~~吹漲咗@_@)
就係咁樣,響我生命之中出現咗呢個咁得意o既日子,而響呢個日子o既開始到現在我都覺得好開心,真係好開心可以識到你...b.b.
p.s.:我都係最近先知道原來我係冇記錯佢o既生日嫁喎,佢話佢玩我咋喎...死未?!@_@