過左咁耐...
點解你仲要問我以前有冇鍾意過你，
有幾鍾意你，
同你散左有冇喊過，
而家仲鍾唔鍾意你？！
我可以咁答你，
除左我冇喊過之外，
所有答案都係「係！」。
不過係又可以點？
你知道又可以點？
你叫我同番你一齊，
又同我講對唔住，係你唔岩，係你唔好，
咁又可以點？
有時我甚至係度諗：
如果我冇同過你一齊，
可以我地而家仲係好朋友，
關係可能仲好..
我到而家呢一刻都唔知你邊句係真邊句係假，
我亦都唔想好似以前咁成日等你電話，
諗你做緊乜野...
我知我真係鍾意你，
但係我唔想連大家連朋友都冇得做，
唔想再傷多次，
唔想一次又一次咁失望，
亦都唔想一錯再錯...