琴晚兩點幾先訓．今朝７點幾就要起身去石澳游水．．眼訓到我死咁滯．我今次有搽太陽油ｇａ．．不過最後都係黑過粒朱古力．．慘死．返到屋企我阿媽仲要話我似賓妹．．勁想咬佢囉．
　不過今日石澳Ｄ水好清同埋好凍ＡＲ．仲凍過係雪櫃Ｄ水ＡＲ．我一掂到Ｄ水已經ＷＥ　ＷＡ　鬼叫．．搞到我比ＦＤ打左個頭一下！（我都夠笨ＧＡ　ＬＡ．．仲打．想我變白痴咩！）三條白痴妹玩到１２點先走．．走左去公眾度沖身．．點知一行埋個花灑．就有條中坑冇啦啦仆低左．．暈埋．之後我好正經咁問我學過急救個ＦＤ．．”你洗唔洗幫手？”但係點知原來佢係冇人性ＧＡ．佢話”如果佢阻到我沖身．我會幫佢．但可惜．佢阻我唔到！”真係過份得佢ＡＲ．．
　游完水．返屋企．．肚餓到暈．食左個麵包．．好難食．．之後諗住拎件ＴＥＥ出黎改做Ｙ字背心ＧＡ．但真係好累．．走左去訓覺．．
　到七點比電話嘈醒左．落街買左個杯麵．（幾慘丫．屋企連杯麵都冇ＡＲ！）食完再上網．．一陣睇埋套”憨男有二性先訓”．呵呵．聽日要還啦！