係唔係每個人都係會『貪新忘舊』呢??
『貪新』係你地既權利,我管唔到。但你地有無理過『忘舊』既心情係點樣,有幾難受?
大家試諗下有個爛水泡係海上飄浮,無人理會過呢個爛水泡,日日都係咁係海上飄浮,無人會將呢個爛水泡放回岸邊,因為呢個爛水泡太唔起眼。
直到有一日,海上突然發生意外,艘船不斷下沉,各人都係船上跳落水,識游水果d人就可以自行游返上岸,而唔識游水既人就會想盡辦法搵東西,不論呢件東西好或壞,只要暫時救到自己就可以。結果呢位唔識游水既人真係比佢搵到,就係呢個爛水泡。之後呢個人一直都攬住呢個爛水泡唔放,因為佢唔想死,不斷同呢個爛水泡一齊係海上飄浮。但當呢位唔識游水既人係海上見到另一個比而家用緊果個水泡更靚更完整,就會游過去呢個新水泡,選擇用個新水泡而放棄呢個爛水泡,而呢位唔識游水既人就開開心心咁同個新水泡一齊游返上岸,而個爛水泡就繼續留係海上,但呢位唔識游水既人一定無諗過邊個水泡救佢一命先可以安全返番上岸。只會記得同新水泡一走了之開開心心咁返番上岸,對呢個爛水泡毫無懷念,珍惜。
呢個『爛水泡』就係我自己