2003年06月11日
<<<6月11日>>> 星期三
擒晚好唔開心...
訓覺前飲左好少清酒... 100ml
兩口就飲晒...
唔想諗野...
唔想再咁唔開心...
返床做了些收身運動...
12點零鐘合埋眼訓...
訓訓下,
一點零鐘, 聽到我阿爸手電響?!
一定係水人打黎!
起身用家電打返俾水人...
佢聽喇...
佢話今日返工有突發事件, 要去做野
連打電話通知我既時間都冇?
我正係唔信...
幾秒打過電話通知我都做唔到?!
佢諗左一兩秒, 真係打唔到...
ok... 你咁講, 我咁聽囉
但都好過我訓覺前搵唔到你...
我都訓唔得好...
諗緊佢會唔會打俾我...
留意住電話有冇響...
講左一陣間...
好眼訓...
一點多了再訓...
雖然係好嬲...
嬲佢冇通知我
但都好過我連佢都搵唔到
唔知佢做乜事唔搵返我
今日星期三...
佢晚上又係要考試既時候
我又唔搵得佢...
下午食完飯, 12點多打俾水人
打左3次...
傾緊? 再打... 講完那電話了
傾左一陣...
佢把聲好忙咁呢...
但都同我傾左一陣...
唔...
唔知同佢講咩好...
只係覺得搵到佢已好開心...
佢都講左...今晚會好忙...
要溫"豬" =_=
今日7點幾開始...
玩到十一點幾先玩完...
唉...都唔知今日幾點先放工
7點幾前搵唔到佢,
就要等到好夜先搵到佢
上班的事...
今日開十六...
今早返工...
我一見架車...仆街...
冇執車...
冇執牙刷,卷紙,拖鞋
床單是那但放入去, 放到一舊舊
今日玩香芬...
今早小紅面話點著左先好開工...
是那但扮點著左, 閃...
落到班地理...點左好耐都唔著?
唔理...
扮晒著照用...
今日正常收四點半架嘛...
今日有返雜貨上
做做下房, 小紅面走黎同我講
今日要同吹蕭一起拖六層樓的後樓梯
跟住下午又講要幫小紅面換mini bar
都痴痴地...
我自己七樓又要換, 換完要幫佢換?
冇病呀?!
跟住做房做房...
做到三點收車
落垃圾
執車, 寫野
吹蕭話33要溶雪...
哇?! 咁勁? 勁多冰??
吹蕭同小紅面講, 佢又唔理...
吹蕭好難得咁熱心同7a d 房做野...
勁多冰...溶到幾時啵...
吹蕭又唔識溶雪...
冇按紅制啵...
咁溶法...聽朝都未得啦...
用野刮... 好慢...
最後用把大刀...
勁快切開晒d冰!
但切花左個雪櫃頂囉...
好彩冇俾我切斷埋d電線...唔係就仆街...
我地切到啪啪聲...小紅面行過冇理啵?!
4點幾啦! 整完諗住上去開始拖地
冇啦啦call 起11樓的房?!
起碼一人一間喎...
起囉...
人人有份永不落空...
勁多人一齊在11a 起房...
起完房, 4點半多, 拖地
吹蕭話我慢...
佢抹扶手, 我拖地...
跟住做到一半, 佢話倒轉...
咪一樣...抹扶手個快d...
我抹完咪拿多把地拖制手拖埋佢...
佢好似覺得我又冇咁好死...
好似好驚訝咁...
正屎忽...
我都係想快d做晒d野, 快d收工即...
攪完晒d野, 吧桶話我地全部人起的房做得不好
冇抹地, 床又做得樣衰要跟返...
跟囉...
冇 tv card
落去拿囉...
我挑...
估得別人太好...
原來佢唔係幫我拿的...
自己再落去拿囉...
落到去,吉啼接緊電話
咪問平平拿囉
拿完咪走囉!
收工前, 吉啼話我冇落去拿tv card
我妖...
你接緊 call, 我等你講完先咩?!
我大把時間就話即...
已遲左放工, 我仲等你呀?!
我拿唔拿又關你事...
不過...佢都係驚我冇拿先問多次...
唉...有時佢煩左小小, 不過都係為我好?
收工前...
小紅面睇report
我寫左02雪櫃燈不見了
小紅面問我咩事?點解唔見左?
我點知? 我知就唔會寫落去啦...
跟住再問...原來係擒日零零見燈泡燒了
收了出來,但冇入返...
再問... 零零把這事交了給吹蕭做
吹蕭之後話擒日個客在房, 佢唔開門
冇做到...
跟住咪我去做返囉...
我覺得...
遲收工啦...做晒野上返14樓等收工
小紅面叫我落13樓睇下d 房門關晒未
又唔叫吹蕭幫手?! 吹蕭在等收工...
明蝦我即...
返到去小紅面在報告返今日的野給寫字樓知
等左佢起碼15min都有!
心諗收工喇掛...
收工前仲要我落返去做埋呢樣野
好...
嬲...
開門寺時用了那門發洩了...
好大力開門...
啪一聲走左出去等落去
我在等時, 我聽到小紅面好大聲話咩態度? 發脾四咁話喇啵?!
跟住在各位等收工的人面前鬧鬧鬧我
話我不是...
今早食早餐, 話呢2日都好遲收工
成6點幾先收工
我咪表達返我意見囉
係公司唔m呀, 做晒野仲唔放人走做乜?
我其實有小小誤會佢地講既野
以為小紅面好似阿來咁, 做晒野要在班地理牛...
等時間過5點半先放人收工
小紅面就勁俾野人做到遲收工
我誤會左即...
我都係果句...鬧小紅面痴線
吉啼勾同吹蕭一唱一和咁串返我
咪做我地部門代表同公司講數囉你咁叻
人地最快做晒野個都未出聲, 你出聲叫人放你收工?
你自量下...咁叻依家入去同大李講
呢樣果樣...係咁話我
好似當我白痴咁睇
睇住黎囉, 我講得出, 做得到
只係時候未到
唔似你地咁識講唔識做
跟住入返個燈泡落02
搭返上去時
小紅面叫吹蕭落黎幫我?
幫咩呀, 有咩好幫?
吹蕭問我頭先發脾四, 我認, 我係呀
個個都做咁多野, 今日我算快攪擔晒d野呀
但都唔俾我走
做得快同做得慢都係咁遲走...
仆街...
我拖地拖到出晒汗呀, 咁點丫
做咁快又點丫
返上去, 小紅面就捉住我黎問
依家係咪有問題?
有咩問題講出黎
我會幫你解決
我諗左一陣...
我都有錯...
我發現呢件事冇call佢
但佢都冇黎check過我d房丫
我叫佢睇32d油漬, 佢又唔睇?
我肯定佢冇check過我d occ 房囉
唔係你boy就唔理...
係自己boy, 自己睇果層就嚴到死...
算點? 平均少少好喎...
跟住佢係咁鬧
問我咩問題
我答左3次, 係我問題
佢又話咩佢自己d report 乜都未寫過
佢今日好忙呀, 咩好多野未做
佢誤會左,以為佢俾得太多野我做而唔開心
係咁話, 你咁唔滿意
落去同大李講, 我個個boy都冇俾野佢地做
只俾你一個做囉
跟本我嬲緊唔係呢樣野, 都唔關事...
你自己做唔晒d野唔關我事呀
你個個boy都俾咁多野做
做晒咪放人走囉
我欠你鐘呀?!
最後佢鬧到冇野鬧
肯放我放...
童工仲未掂...
得返佢一個...
唔知小紅面會唔會同童工傾計呢?
今次呢單野...
唔知小紅面會唔會開始憎我...
但我唔介意
我做好自己
唔會俾機會佢捉到我d咩
今日聽到一個消息
好似話...吹蕭都有黎呢樣睇我日記??
那人問我唔驚咩?
我有咩好驚, 寫得出黎, 都係我心諗既事
諗到咩咪寫咩囉
咁唔滿意我批評你, 咪唔好黎睇囉
我講既都係我所見, 所想的
我寫黎都係俾自己睇
得閒會睇返自己果時既感受
會檢討返自己做得/對人唔好既地方
同時諗緊...
我近日日記都好似勁多人睇...
我只係俾過幾個人咋嘛...
同事只俾力其, 童工, 糟都唔會黎睇架啦
得閒會睇我舊日記的大頭, 我冇俾新呢個日記佢呀...
網上識的人...雪泥,牛牛,jeff...
仲有一d我覺得佢唔會黎睇的...
仲有水人...
em...邊個將我日記發揚光大??
連吹蕭都黎睇?
定d 料又係流架...?!
唔理了...
由佢...
放工...勁唔開心...
同時覺得...
阿喵同吉啼勾都對我麻麻...
成日拿我來笑咁
咪笑囉
我諗返丫...
我那時唔出聲話肥仔拿晒我地d米
我信佢現在仲做緊啦
你又有冇咁多米收呀
唔係要你多謝我d咩
只係想你地知道
我唔會係見到問題而唔出聲d人囉
我唔會忍d 唔公平既事發生在我身上
放工...
沖埋涼. 6點半有多了
勁唔開心囉...
今早俾佢地一唱一和
食飯又係咁
放工自己又控制唔到發洩左出黎
點窮都好...
買左包紫silk cut食...
等巴士食左支, 落車再食多支
食開黃色...
今次食紫色...勁好多...
食左半支我都手腳冇力...
但都好...
諗野冇咁亂...
我諗緊...
明天點同小紅面道歉...
係我既錯...
我唔想攪到關係咁差,
好似同文迪咁見到都面左左
唉...
返到家, 7點3
一入門口即打俾水人...
佢唔聽電話了...
開始左了
打唔切添...
現在唯有等跑完先打得俾佢
但又好驚...
佢今晚唔合格會唔敢聽我電話...
點好...
大蘿白頭先打俾我
問我釣墨魚度點
唉...我只覺得現在好煩...
開頭聽都覺得好煩...
但講左一陣其它野
心情好多了
試下用cmg寄來的信, 轉寄俾蘿白睇下得唔得先
kakakaa
等...等第十場一跑完就打俾水人!!
差不多十點半
yiu又打黎, 又鬧我
仲計埋數...話我咩放佢九次飛機
佢放我四次即
同我計返之前d野
都痴痴地
俾你計完, 係我衰咁又點
你對我唔衰我又點會對你衰
又係咁話
同返佢一齊就點點點還返d錢俾我
唔同返佢一齊就唔洗指意拿到d咩
正一仆街家橙...
跟住又話咩佢會還, 多就冇, 一個月幾百就有
要就約時間出去拿, 銀行過數俾我唔得咩?!
佢話唔得, 一定要出...
點解...
有咩好見...
憎一個人就唔想再見到佢,同佢有任何接觸
緊一個人,會想盡辦法使對方開心
了解及滿足對方所需
我到底憎邊個, 緊邊個?
咁佢又有冇緊過我... :<
香甜的糖糖人 只跟部份人分享這資訊。
於03年6月發佈
Goodnight Moon - Shivaree (04年7月)
其他