我冇見佢差唔多有一個月啦，以前每個星期最小都會見3次面，而家一次都冇，我唔想見到佢，佢冇做錯野而令到我唔開心架，只係我自己唔爭氣，鍾意番佢，我知道佢根本唔會鍾意我，所以我決定唔見佢，如果係以前既我，我一定會繼續留係佢身邊偷偷咁愛佢，唔會理結果係點，見得一日得一日‧
但係而家既我，一定唔會，明知冇結果，不如盡快離開，早一日離開，小一日傷心‧因為佢既出現，我先後同兩個男朋友分手，我唔怪佢，我亦冇怪過任何一個人，我選擇左佢，而同佢地分手，係我自己既決定，家姐亦話過我好次，話我因為佢而放棄佢地兩個根本就唔值得‧
其實感情呢樣野邊有得話值唔值得架，我知我為左佢付出左好多野，其實都唔可以咁講，應該係，"大部份單方面既交換"我希望係佢身上得到一份又開心又甜蜜既愛情，當然要用野交換，但係當我真係同左佢一齊既時候，原來又係另一回事，我每次見到佢都會好開心，但係返到屋企我都會好想喊，唔係因為佢衰，而係我知道我太愛佢，而佢只係鍾意我，由第一日同佢一齊我已經知道，只不過係我太愛佢，所以唔想放棄呢段"表面開心而內心痛苦既失敗愛情"，過左兩個星期到我地就散左啦，有時我都會諗下值唔值得，又有時會覺得自己好傻，竟然會用一段掌握係自己手既感情換一段苦澀而短暫既感情，雖然每一個人都話我好傻，當時我只係抱住唔試過又點知個結果係咩既心態，唔理失敗定成功，起碼試過呀ma..
所以我而家只會搵個佢愛我多過我愛佢人做男朋友，雖然一定唔會好開心，但我知道一定唔會好傷心‧‧‧
我唔比機會自己見到佢，所以我連做gay都放棄，我都想做gay架，但係如果自己一個去又好悶喎，冇計啦..