我個人就好鐘意睇叮噹一系列既漫畫...唔知各位網友你地又鐘唔鐘意睇呢?

有時我會有個好得意既諗法...
如果我係大雄就好喇!有事既時候叮噹會用佢各種新奇有趣總令人意想不到既法寶黎幫我...即使阿福同技安經常都會蝦我,但當我真係有事既時候佢地都總會義不容辭不理生死咁黎救我幫我...仲有一個自己心目中既完美情人靜宜...大雄真係認真幸福...
不過幻想始終都係要歸返幻想...人始終都係要面對返現實既~

雖然我地無大雄咁幸福,不過我認為o係現實世界裡面每一個人都係大雄或者靜宜...
因為我相信每個大雄既童年裡面,縱然沒有叮噹、阿福同技安,都必定有佢心目中既靜宜,一個佢心目中既完美情人,雖然隨著年事漸長,大雄可能會遇上其它既愛情,不過靜宜既影子都係會永遠咁存在o係大雄既心目中,只要靜宜被人欺負,大雄都一定會挺身而出全力咁去守護著靜宜。

而每一個靜宜身邊亦必定有一個大雄,只要佢唔嫌棄大雄大頭蝦、無鬼用、撞板多過食飯,大雄都一定會全力咁去守護著佢...

P.S雖然我唔知各位認唔認同我既講法同諗法...但係我都真心咁希望每位靜宜都可以搵到佢地心目中既大雄,而每個大雄都可以守護得到佢心目中既靜宜...