好累呀!!琴晚我俾我個fd迫我要陪佢唔訓呀..
咁我琴晚2點幾特然間電話響喎..咁我聽電話啦..
一聽電話我個fd話"好恐怖呀..好驚呀"
咁我梗係好緊張咁問佢咩事啦..
跟住佢就話原來佢睇緊琴日先上畫既~咒怨~
佢究竟一路同我講電話一路睇喎..
重話好驚呀..今晚你唔好訓呀..
你成晚陪住我呀..我驚到想嘔呀..
哈哈..我唔知點解佢一路講我就一路係度笑..
笑到唔識收聲..我覺得好得意呀..點會咁架..咁白痴一路睇一路打俾我話俾佢知佢有幾驚喎...
咁我話咁恐怖走啦..唔好睇啦..佢又話唔得喎..
話唔抵喎..真係俾佢激死..又要睇又要驚喎..
但講真我都未見過佢咁驚呀..佢睇親d恐怖野都話唔驚架麻..
可能真係咁恐怖啦..但我就好衰咁淨係識得笑咋..我淨係同佢講左3個字到啦..
但已經不斷聽到佢話好恐怖呀..好驚呀..咁樣咋..
好似真係好恐怖咁喎..最後我都係陪佢陪到天光先訓囉..
咁佢咁驚我都唔忍心見到佢訓唔著自己一個人...
所以我今日好累呀..雖然我平時都好夜先訓..但都攪到我今日好累啦..
但點都好...呢個朋友都幾得意呀...但朋友冇計啦..佢叫我點樣我都要做架啦..
鬼叫我係佢個FD咩..但到而家我都唔知好嬲定好笑啦..
我都唔知信唔信佢講好..我都重諗緊我去唔去睇好啦..
真係好攪笑呀..