好多人話愛之深恨之切，我就話唔係

愛本身並唔係一樣兒戲既野，而且愛和恨並無正面關係。

當一個你自己認為好愛既人背叛你時，絕大多數既人都會好嬲（或者好恨）對方。但係照我睇，你恨佢唔係因為你愛佢，你恨佢係因為你唔甘心（你唔甘心你為佢做咁多野佢都背叛你，你唔甘心個第三者樣衰過你，你唔甘心以後要自己一個人食飯睇戲，..................)。但係，愛唔係咁既。

咁究竟咩先叫愛?

愛其實係一樣好抽象o既野，可能每人既定義都唔同。我覺得愛唔單只係一種所為既feel(即係有feel就一齊，冇feel就分開)咁太過兒戲喇?

愛係包括忍耐，包容，原諒..........

大家睇到依度可能會質疑：哇，你講就易，你估係聖人呀，俾你你有冇咁大方丫粉腸！

冇錯，我係冇咁大方.........

但其實愛係到處可見。無論你做錯乜野，你點樣鬧到佢九血臨頭都好，你父母都會原諒你，點解? 愛。
聽過有妻子知道丈夫晌出面搞三搞四，甚至返到屋企打佢，但係都原諒左佢，D人話個妻子好蠢，但係妻子只係一笑置之，點解? 愛。
無論世人做錯過幾多野，幾咁窮兇極惡，只要肯悔改，神都會原諒和賜與祝福，點解? 愛。

所以話當你恨一個人既時候唔好話你好愛佢，更加唔好諗住死，你唔係為佢而死，你係為因為自己唔咁心而死，你話幾唔值！

以上只係本人愚見，請大家加以討論