2003年4月15日 (陰)
今晚係我咁大個仔第一次打日記,其實唔好話係乜野日記….只不過係岩岩細妹拎起我銀包,睇返我同你影既相,令到我又有少少感慨.轉眼間又一年了,由初初接受唔倒我同你既分手,直至到開始傷口以經冇咁痛既而家,以經足足一年了.
係呢一年黎,我既傷口其實每日都會痛幾次,但每次痛時我都會好理智咁同自己講”啊x,你要接受現實啦,過去左以經成為過去,佢個心以經唔係你度,何必仲諗落去呢,咪盞自己辛苦”而同樣呢句我亦都安慰過好多朋友,不過其實做唔做倒真係一件好難既事.係4個月前,我曾經以為自己真係可以放棄得倒你……尚記得有一晚,你12點幾打電話比我,同我講好唔開心,其實我以經估倒發生乜野事了,但個時我突然間出左一個念頭,就係想證明自己係咪真係可以完全放得低你,所以亦都同你講左一句”你有咩事可以話比我知啵,等我同你分擔下丫,包括你d感情事,唔駛怕會hurt倒我啵,因為我以經可以放抵哂你同我既感情了”最終個一晚,你同我講左..原來你真係同佢係返埋一齊,雖然我一早以經估倒,但個一刻真係有少少呆住左,你再同我講,話佢好似好唔緊你,所以好唔開心,我唔想你唔開心,所以盡我方法去安慰你,還教你點樣可以得到佢既芳心,電話傾完之後,我好似成個人鬆哂咁,以為真係可以放得低你了,而個晚亦係咁多個月以黎訓得最好既一晚…..過左幾日,你同我講你同佢以經冇事,而且仲好開心…我電話裏頭即刻同你講登你高興,但先發覺原來我係從未放得低過…..開始有少少失落,不過我應承左自己要堅強,所以都盡量設法去忘記,2月14日情人節…我最害怕的日子終於到了,而亦都比我見倒d最唔想見倒既野.一大清早返工途中,發覺沿途好多人都拎住束花 ,包括男男女女,真係既妒忌又羡慕. 百般思念在心頭..回想起第一年同你過既情人節,我送左99枝紅玫瑰比你,個一晚你好開心,我都因為你既開心而感覺到好滿足,同樣情人節你都送左一隻手錶比我…我更加開心,開心唔係係隻手錶到,而係開心你有呢份心意,肯送份情人節禮物比我…但竟然2003年你都同樣送左一隻手錶.但個一個人以經唔再係我了,,,碎了,過去每一種點點滴滴都碎了.
呢幾個月黎你有時會同我傾訴你同佢之間的開心或唔開心的事,我每一次都好認真咁聽,但其實我每一次都有萬分唔願意聽到你同佢之間既事,無可奈何,因為你以經當正我係你好朋友,所以我亦要扮到成為你既知己,同你分享一齊歡喜與哀愁…..

還是算吧……