我再次返到去巴士站度，但係今次我唔諗住等車，我好掛住之前個部巴士，所以我低頭唔再望，亦唔再理有咩巴士經過，好傷心....
過左好耐好耐，突然有架巴士駛埋黎，叫左我一聲，叫我上巴士，我擰頭，佢用左好多時間、心機邀請我上車，我望一望架巴士，我不知不覺上左車....
我上到車，開頭有d唔慣，好耐無搭巴士，但係個司機好好控制得好穩，好定，好開心再找到一個同我去同一個目的地既人，呢個巴士司機係長途架，成架車得我一個，好舒服，佢沿途不停講我地黎緊既行程係點，真係好盡責，我真係好鍾意呢個司機，佢俾左個好好既將來我，我好放心，好幸福.......我慢慢係架車到訓著左。
突然間，個司機性情大變，轉左方向，我問佢做咩事，佢就只係識講對唔住，問極佢咩事都只係講"對唔住"，我開始聽到d聲，我好好奇，走去樓上，一睇 ..........我發現呢架車原來唔止我一個人坐，仲有三個.....而而家駛緊既方向正正係佢地既目的地....原來我上左佢地架車...
我好傷心，不停咁喊，好想落去問個司機點解仲要叫我上車，點解........
我落返去，我問佢，佢都只係講返同一句說話，我好無奈咁坐係度，相對而無言，只係聽到個三個人把聲不停係我耳邊盤旋，我再一次感到我好既野係唔會留係我手上，我....唔應該留係呢個地方，但係我真係好唔捨得，我知個司機都係，因為佢將架車駛返去我既方向，不過又駛下去佢地既方向，架車開始左搖右擺，我好傷心低下頭，好似一個人等待判決咁，我無理會自己係一架好危險既巴士上面，無諗住跳車，根本我唔捨得離開.....
好可惜原來係不知不覺間已經選擇左，我抬高頭，已經見唔到佢，佢...棄車而逃，佢留低我係呢架巴士上面等，我依然無諗住離開，因為我呢刻只係識得等...
好多人叫我落車，可惜我做唔到，上次我想等都無機會俾我等，今次我可以等...我會等，不過又要等幾耐呢?