壓力係好多人都好唔想有既野...可能佢地認為壓力太大會令到自己好似透唔到氣...又或者佢地又認為壓力會令到佢地腦根無咁靈活...雖然大部份既人都討厭壓力...但偏偏我就好鐘意壓力尼一樣無形而又令人辛苦到抖唔到氣既野...可能你地會認為我變態啦...但尼個就係我...話返轉頭點解我會咁鐘意壓力?你地又不如聽下我尼個唔正常既人果D唔正常既諗法...
唔知你地有無聽過凡事有兩面睇呢?如果無聽過都唔緊要...凡事有兩面睇既意思就即係話凡事有好必有壞...一樣野有壞果一面就必定亦會有好既一面...果樣野係好定壞就在乎你o係邊一方面去睇同諗...有D人覺得壓力唔好係因為佢地睇壓力果陣往往就只會睇到壓力會令到佢好辛苦好心煩...但點解佢又唔試下諗返轉頭壓力其實亦都可以令到佢不停咁向上爬...繼續維持生計...繼續慢慢咁進步呢?如果一個人無左壓力佢仲可以繼續佢既雄心壯志?無左壓力仲有努力向上既推動力?我唔知...我只係知道壓力每日都會去考驗好多唔同既人...有D人會俾壓力令到佢不停發奮向上...我認為尼D人多數都會成功在望...有好多名人其實都係每日生活係壓力之下但佢地都可以成功非常從此可見壓力其實都唔係太過可怕~而我就係因為以上種種所以我喜歡左壓力由其係佢令到我有不停向上進取既推動力...
但唔知點解有咁多人一承受小小壓力就又要生又要死...如果小小壓力都承受唔到既話就根本唔佩做人...其實人一出世就已經預左承受唔同既煩惱同壓力架啦...人之所以叫做凡人...我諗只係想將煩人個煩字寫得好睇D者...可能你認為唔係啦又可能你有另一個想法但我就係咁樣認為...其實壓力係人都會有但點解D人往往就只係會諗壓力有幾唔好而就從來都唔會去諗一下壓力其實有幾好?我真係諗極都諗唔明尼一點...點解唔諗下壓力好既一面去令到自己生活得開開心心而去諗壓力唔好既一面而令到自己咁辛苦呢?真係令我百思不得其解...
(p.s可能有好多人唔同意我o係尼一篇文章既講法或認為我對承受唔到壓力既人講果D野太過偏激啦...如果你另有自己對壓力既睇法同見解的話歡迎你send message比我講下你對壓力既睇法順便交個朋友丫~又或者想批評我既文章都十分歡你send個message黎交個朋友^.^)