日日返工我都會去到唔同o既天台度,有時得閒我會o係度睇風景,o係天台度睇風景o既感覺好正,可以睇到好遠同好多平時唔係咁睇到o既地方.有d天台好寧靜,仲會不停有薇風,我會鍾意o係果時望住下面d車同埋d人行黎行去,跟住o係度諗下野(冇錯!確實係幾懶係型o家!).好多時都係諗返起之前同佢一齊果陣o既野,通常都會諗到流眼淚...我好鍾意冬天,因為我鍾意懶洋洋o既感覺多d,我覺得d凍o既風吹埋黎好爽,點都好過夏天果d熱氣丫.我覺得主宰任何一樣野o既都會係「時間」,因為根本每一件事或者物品都會同時間有關連,如果時間改變,咁果件事或者物品就一定會有改變.如果我可以早d知道我地之間o既問題,或者我地仍然可以好好咁一齊...如果可以早d識諗,或者我依家已經可以過得更好...所以時間係真係好緊要,識珍惜每一刻o既話,你將會比其他人更優越!人生係應該要有過程同努力,先會識得分享同珍惜成果帶黎o既滿足感,如果冇過程同努力,咁同早洩唔會有分別,最終都會有成果,但根本冇滿足感可言!