我唔知你係唔係仲嬲緊，所以我冇打俾你。
我唔知我地既問題係乜野，我只係答你我自己既感覺，我唔係唔想見你而係我慣左少見你。
你知唔知有時我會覺得你張D野推晒落我度，好似係我既問題。
例如你話我返工又返學，令我地見既時間少左。但係你有冇諗過我返工只係朝9晚5.30?我只係用一個星期既兩日夜晚讀書姐，但係你就要返Shift。可能係我自私啦，其實我唔想你返Shift，因為如果你唔係返Shift，我地就可以見多D。
係我搵工個陣，我有諗過搵D Shift既工做，因為人工高D，但係我知道咁會見你少左，所以我先做而家份工。
可能你會話，而家做緊個間係你以前讀過既中學，所以先做。
咁我會答你都係原因之一，因為我未做過真正既工，當然想係一個比較熟識既環境去做啦。
我唔知道你而家點諗，又或者想點，不過我諗我地應該停一停低，諗下係唔係適合對方。
因為我覺得我地好似一直都唔了解對方咁，我好似永遠都唔知你想我點諗緊D咩，我想讀書但你就唔想我讀，點解你唔可以支持我?可能呢個係我既問題，係我唔了解你，係我身上面有太多既問題啦。
可能你講得岩，係我冇將你放係第一位姐。
多謝你一直都對我咁好，我希望你會開心快樂。