你地有無諗過年青人好多都係憤世嫉俗?
其他地方0既青少年我唔知,因為我係住係香港,我只了解香港文化o
我覺得香港地,最受人歧視0既唔係殘疾人仕唔係咩重男輕女o
最受人歧視0既係我地尼d年青人
點解我咁講呢~~~我舉一d例子
社會上面常常都會為年青人改一d好
乞人憎0既名---好似d咩雙失青年啦
以前又咩暴風青年,又咩金毛飛
我地青年人失業又會有名0既!!!無野呀?
搵唔到工做就失業0架啦~有咩奇??有咩咁大不了??就係你地d大人成日以為自己有見識,好叻~唔知做咩就同我地加d咁0既名,但係d大人失業又只係失業,又無名個woo~~~幾有趣~~~大人又唔同ga??年青人失業唔得要改名大人失業又無ga?大人失業好平常0架??應份0架0下?
你地有咩資格同我地改名呀??我地唔返屋企又夜青!?我唔返屋企又有問題?係街傾計又唔得呀?夜晚係街有咩問題?影響到你0既你地咪打999low
夜晚同朝早只不過係天黑同天光0既分別
只要我地做野唔影響到其他人,點解又要有個名?何況我地都係傾計咋~~就算攪事個d咪打999叫警察拉佢地low~~~~都唔洗改埋d咁0既名0架?
點解青少年變到咁樣?係因為好多自以為事0既人做埋好多無謂野引致而家咁樣

重有!!你地d人好有趣好鍾意睇表面!!
唔係咩睇你靚唔靚仔靚唔靚女woo
咁係睇咩呢?
睇你頭髮長定短...有無染髮..有無耳環
紋身等等~!
係~~~有d染髮紋身0既唔係好人
唔等於染髮紋身就係壞人
但係好多人一見到染髮紋身就話佢地係壞人!!!你地有無再膚淺d呀
好簡單你爸有鬚,有鬚0既就係你呀爸?
你都識笑啦!?但係同一個道理,轉一下你地就唔識咁諗~~大人!?哈!?咁同細佬有咩分別呀??
但係好無奈!!社會就係咁d有學歷,打工做到高級0既人,就係咁樣諗野,要同佢地一樣咩都無咩特別,個個普普通通咁,佢地先可以接受,唔係點解interview個陣個樣要咁普通,你問佢地點解佢地又會張個責任推去社會到個woo~~~~(社會係咁ga啦)(唔係我唔接受你,係社會唔接受你)
廢話!!社會係可以接受唔同思想0既人
係你地唔肯去接受我地0既新思想姐!!
(你個樣古靈精怪點請你呀?你長頭髮點請你呀?)
當然有d工係要睇樣ga好似sales咁
又有d工可以長頭髮會危險
咁都係一部份姐,你份工叫我做文員0既先算,我都係處理下d文件,打下字,唔洗見人0既點解都要好似人地咁普普通通?
嘿!!老細唔順超呀或許in你個個唔鍾意
你可以點?
唉.....唔通lee個社會以經係睇樣唔係睇你做唔做到野??
佢地會排斥一d同佢地唔同0既人
咩係古靈精怪呀??我就係你唔係??由邊個介定??係!!而家我尼見工~~你話我古靈精怪無問題0
但係係街到你又以咩身份去話我古靈精怪呀??我地係平等0架!!!記住平等!!
咪諗住自己大個d或者讀多幾年書好叻
你所有0既只係知識,同埋一d經驗,但係你地連接受新思想0既能力都無呀!!!讀死書.同自以為事咪你地尼 d low
諗多d有意義0既野好過啦!
平等係好重要~~唔該係話人地之前諗下你有咩資格去話人!!俾你話唔係應份0架
你地d咁有見地咁有學問0既大人就唔該去解決問題唔好製造問題好無??
青少年0既問題係由日積月累咁產生出尼
你地要諗0既就應該由最根本到出發
唔解決問題都唔好製造問題呀.....唉
其實對青少年要多d接納,多d了解我地0既想法,唔好成日用你地大人0既想法否定我地,多d支持,多d鼓勵,多d意見(唔係命令)年青人對尼樣野好反感!
會令你地有多d好處~