[豐澤電器]
話說某太太在豐澤電器欲購電視機,
向售貨員詢問:請問呢部電視機有冇電視框呀"
售貨員莫明奇妙但仍恭恭敬敬地答:"有"
"咁電視框幾多錢呀"
"太太,唔好意思,要成架買,冇電視框"
某太太無奈地離去了。
原來電視框=DISCOUNT

[McDonald's蛋=等]
話說N年之前有朝早我去麥當勞買早餐食﹐我好有禮貌咁同個賣包o既女人講﹕
"唔該,豬 柳漢堡丫"
個女o既同我講﹕"要蛋呀﹖"
因為o個時我身上無乜錢﹐
我又唔係太鐘意食豬柳蛋漢堡﹐
于是乎我就好有禮貌回答﹕"唔要蛋喇﹐唔該"
個女人好勞氣咁講﹕" 你要蛋喎﹖"
我開始無乜耐性﹐我答佢﹕"我唔要蛋喇﹐我只係要豬柳漢堡咋"
個女人更加勞氣咁話﹕"要蛋一蛋呀﹐要蛋十分鐘呀..."

[美心快餐]
當年去食美心個姐姐話
歡迎來「米心廢親」

[麥旋風]
話說有一日有個呀伯想去Mc記買新產品麥旋風,呀伯就去排隊啦,
到佢個陣,佢就同Mc當當位姐姐話想要個種食品,
點知呀伯諗極都諗唔起個種食品叫乜名,
最後佢終於記得,佢就大大聲同Mc當當姐姐話:唔該俾杯黑旋風丫!

[語音撥號]
話說係前個排呢，手提電話好興有「語音撥號」呢樣野，
即係你向住個電話叫：「小明」，咁個電話就自動撥去小明個度，方便好多咁話。
咁有日如常咁搭地鐵，咁橋聽到係前面個西裝友向住部電話叫：「八婆」。
跟住個電話就自動撥去亞「八婆」到啦，到條線通左，西裝友就對住個電話，
用無比客氣既口吻話：「亞外母呀，我今晚唔返黎食飯啦……」

[冰雕城]
三年前，當call機還是蠻流行的時候，秘書台服務人員的英文水平卻不太好。
我的朋友有一天收到一個message：「亞娟叫你在冰雕城等。」
我的朋友看後非常搔曬頭。
『冰雕城』？？？香港哪有冰雕城？？
『阿娟』？？究竟又是誰呢？？
他後來才知道，
他的同學；阿焦…叫佢去…Main Building；
而不是；阿娟…叫佢去…冰雕城。

[receipt簿]
講開Call台，大學時期攪的大學學會，學期初時要擺counter招收新會員，
我 call學會的男主席：「唔該叫佢帶埋receipt簿來開檔丫！」
最後，佢氣沖沖走到counter，
指住部call 機問我：「你做乜叫我帶埋『護舒寶』來開檔啊？？」

[來電顯示]
有日在手提電話店內買新電話，店員說：先生，
這款是最新的手提電話，有"雷電顯示"，
我問：是天文台發出的嗎？她說：是電訊公司提供的，
原來----來電顯示----說成：雷電顯示。